Lurer.com-ը գրում է.
Քիմիական զենքի հարցով ՄԱԿ-ի հատուկ փորձագետները չեն հասցնի Սիրիա կատարած ներկայիս այցի շրջանակներում այցելել քիմիական զենքի հնարավոր գործածման բոլոր վայրերը. հայտարարել է պատվիրակության ղեկավար Օկե Սելստրոմը:
«Մենք ոչինչ աչքաթող չենք անում, սակայն այդ այցի շրջանակներում մենք կընտրենք այն վայրերը, որոնք հնարավոր է այցելել»,-ասել է Սելստրոմը:
Նախօրեին ՄԱԿ-ը հայտարարել էր, որ տեսուչների փորձագիտական այցը կավարտվի այս երկուշաբթի օրը:
Ավելի վաղ Դամասկոսի մոտակայքում գտնվող Ղուտա ավանի ուսումնասիրությունները, ուր վերջին հարձակումն էր տեղի ունեցել, ապացուցեցին քիմիական զենքի կիրառման փաստը:
Հիշեցնենք, որ սեպտեմբերի 28-ին ՄԱԿ-ի ԱԽ-ն հավանություն էր տվել ներկայացված բանաձևին, որը պահանջում է Սիրիայից ոչնչացնել երկրի տարածքում եղած քիմիական զենքը: