Tert.am-ը գրում է.
ՀՀ առողջապահության նախարար Դերենիկ Դումանյանն այսօր ընդունել է ամերիկահայ ակնաբույժ, «Հայկական ակնաբուժության նախագիծ» բարեգործական կազմակերպության հիմնադիր-նախագահ, Ռոջեր Օհանեսյանին և կազմակերպության հայաստանյան գրասենյակի ղեկավար Նունե Եղիազարյանին։
Նախարարը չափազանց բարձր է գնահատել անցած 21 տարվա ընթացքում ՀԱՆ-ի Հայաստանի ակնաբուժության զարգացման գործում ունեցած ներդրումը։ Կազմակերպությունը, համագործակցելով ՀՀ առողջապահության նախարարության և ԱՄՆ Միջազգային զարգացման գործակալության հետ, մարզերում և Երևանում իրականացնում է «Լույս հայի աչքերին» ծրագիրը, որի շրջանակում մարզերում իրականացվել են բնակչության ակնային լայնածավալ զննումներ և ցուցաբերվել է անհրաժեշտ բուժօգնություն: Շուտով կսկսվի մարզային հերթական` վեցերորդ շրջայցը։
ՀԱՆ-ը թևակոխում է ծրագրային մի նոր փուլ։ Դեռ այս տարվա հուլիսին Լոս Անջելեսում Հայ բժիշկների համաշխարհային 11-րդ համագումարի ընթացքում Ռոջեր Օհանեսյանի հետ ունեցած հանդիպման ժամանակ Դերենիկ Դումանյանը քննարկել էր մարզային ակնաբուժական հինգ կենտրոն ստեղծելու հարցը և այս հանդիպումն ավելի շատ համագործակցության հետագա քայլերը հստակեցնելու նպատակ ուներ։ Նախարարը կարևորել է ակնաբուժական ծառայությունները արդիականացված մարզային բուժհիմնարկներում հիմնելը, որպեսզի գործող ծառայություններն իրենց մատուցման որակով համահունչ լինեն ներդրվող նոր ծառայությանը։ Առաջնահերթությունը տրվում է հեռավոր մարզերին, որտեղ ակնաբուժության ստացիոնար ծառայություն կազմակերպելու անհրաժեշտությունն ակնհայտ է դարձել մարզերում բաց դռների օրերի ընթացքում։
Ամբողջական հոդվածը կարող եք կարդալ այստեղ