Կողմնորոշվեք «պարոնայք», ինչ «գիծ եք քշելու», որ «շեֆին» գոհացնեք․ Շիրազ Խաչատրյան

Երբ օրինակ, Գյումրու ընտրություններից առաջ, էդ ընթացքում, ու մինչև երեկվա դրությամբ իշխանականներին պետք էր, որ համ Հանրապետականին թիրախավորեին, համ թեկնածուներին, փորձում էին ամեն բան անել, որ Մարտուն Գրիգորյանին, Ռուբեն Մխիթարյանին ասոցացնեին ՀՀԿ –ի, Սերժ Սարգսյանի հետ։

Իսկ արդեն երեկվանից (հատկապես ՀՀԿ խորհրդի նիստից ու հնչեցված ուղերձներից հետո), իշխանական քարոզիչների փայլատակող մտքներով անցավ, որ պետք է մարտավարություն փոխել, ցույց տալ, թե Հանրապետականը մասնակցություն չունի որևէ քաղաքական պրոցեսներում, էդ թվում ՏԻՄ մակարդակով և այլն։

ԱԺ-ում Ալեն Սիմոնյանից ու մի քանի ջղաձգված քպական պատգամավորներից բացի նման տվայտանքների մեջ են Պետրոսը՝ Ղազարյան, Արմանը՝ Բաբաջանյան ու էլի մի քանի «թունդ» քարոզիչներ։

Մեկ ասում են՝ ՀՀԿ-ն խառնված է քաղաքական պրոցեսներում, մեկ ասում, որ ոչ մի պրոցեսում կուսակցությունը դերակատարություն չունի, հիմա կողմնորոշվեք «պարոնայք», ինչ «գիծ եք քշելու», որ «շեֆին» գոհացնեք․․