Pastinfo.am-ը գրում է.

Երևանի Աջափնյակ-Դավթաշեն վարչական շրջանների դատարանում՝  դատավոր Անի Մխիթարյանի նախագահությամբ,  սեպտեմբերի 30-ին  նշանակվել է դատական նիստ Սյունիքի  նախկին մարզպետ  Սուրիկ Խաչատրյանն ընդդեմ Գորիսի   քաղաքապետ Սամվել Հարությունյանի հայցադիմումի գործով: Այս մասին «Փաստինֆո»-ի թղթակցին հայտնեց Ս.Հարությունյանի ներկայացուցիչ, փաստաբան Մուշեղ Շուշանյանը:  

Հայցում նախկին մարզպետը պահանջում է հերքել տեղեկությունները, որոնք որակել է որպես զրպարտություն, և վճարել փոխհատուցում մեկուկես մլն դրամի չափով: 

Հիշեցնենք, որ Սամվել Հարությունյանը պարբերաբար բարձրաձայնում է  Սուրիկ Խաչատրյանի պաշտոնավարման տարիներին  նրա կողմից կատարված բազմաթիվ, այդ թվում նաև՝   ծանր, հանցագործությունների մասին:

Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print Տպել