1in.am-ը գրում է.

Աթենքում հակաֆաշիստական միտինգից հետո տեղի ունեցած անկարգությունների ժամանակ ոստիկանությունը ձերբակալել է 62 ու կալանավորել 5 մասնակցի: Այս մասին հայտնում է Աթենքի լրատվական գործակալությունը: 

Ցուցարարների խումբը փորձել է մոտենալ ուլտրաաջ «Ոսկե արշալույս» կուսակցության գրասենյակներին, որոնց անդամները մեղադրվում են հակաֆաշիստ Պավլոս Ֆիսասի սպանության մեջ: 

Ոստիկանությունը փակել է ցուցարարների ճանապարհը: Երիտասարդները սկսել են այրել աղբամանները, ոստիկանների ուղղությամբ նետել քարեր ու շշեր: Ի պատասխան՝ ոստիկանությունը կիրառել է արցունքաբեր գազ: 

Աթենքի կենտրոնում փակ են մետրոյի կենտրոնական կայարանները, շատ փողոցներում երթևեկությունը դադարեցված է: 

Հակաֆաշիստական միտինգներ են տեղի ունեցել Հունաստանի շատ քաղաքներում:

Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print Տպել