Քաղաքում ստեղծված խայտառակ վիճակը, որ առաջ է եկել ձյան տեղումների հետևանքով, վերջնականապես լուծեց ոչ միայն Ավինյան Տիկոյի, այլև ողջ ՔՊ-ի քաղաքական ապագայի հարցը. հայհոյանքների այն տեղատարափը, որ այս օրերին տեղում է սրանց գլխին, չի կարող առանց քաղաքական հետևանքների անցնել-գնալ: Հատկապես հայհոյում են երևանցիների վրա շատ թանկ արժեցած նոր ավտոբուսների «քաչալ» անիվների պատճառով. քաղաքացիներին տուգանում են ամառային անվադողերով երթևեկելու համար, մինչդեռ Տիկոն չի համենում օրական հարյուր հազարավոր մարդկանց սպասարկող ավտոբուսների անվիվները ձմեռային անվադողերով «զարդարել»:

Ձյունը՝ ձյուն, բայց այն հալչելու հատկություն ունի, ուստի պարզ չէ, թե ինչ է լինելու այն օրը, երբ Երևանի փողոցներում նստած առատ ձյունը հալչի: Ասում են՝ ջրհեղեղ է սպասվում, իսկ թե այդ ժամանակ քանի տոննա հայոյանք ու անեծք է Տիկոյի ու նրա օփելատյաց հոր գլխին թափվելու, միայն երևակայել կարելի է:

Բայց զարանալ պետք չէ. երկիրը «ցելով» ոչնչացնող ու պրոցեսն օնլայն ռեժիմով ֆիքսող Նիկոլի թիմակցից չէր էլ կարելի այլ բան սպասել:

Տարոն Մարգարյանը որ հենց հիմա թքի, տասը հատ Տիկո դուրս կբերի…
Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print Տպել