Առավոտյան նախաճաշ. կաթնաշոռով աղանդեր

Բաղադրությունը

կաթնաշոռ՝ 450-500 գ,

թթվասեր՝ 50 գ,

յոգուրտ՝ 50 գ,

ձու՝ 5 հատ,

շաքարավազ՝ 150 գ,

եփած թարմ սուրճ՝ 250-300 մլ,

կոնյակ՝ 50 մլ,

բիսկվիթային թխվածքաբլիթ՝ 100 գ:

Պատրաստման եղանակը

Քերիչի անցքերով անցկացրե՛ք կաթնաշոռը, ավելացրե՛ք յոգուրտը և թթվասերը, խառնե՛ք: Դեղնուցներն առանձնացրե՛ք սպիտակուցներից: Դեղնուցները հարե՛ք շաքարավազի հետ այնքան, մինչև սպիտակեն: Աստիճանաբար խառնե՛ք կաթնաշոռով զանգվածի հետ:

Սպիտակուցները հարե՛ք մինչև պինդ փրփուր ստացվի: Զգուշորեն խառնե՛ք կաթնաշոռի զանգվածի հետ: Հովացած սուրճի մեջ ավելացրե՛ք կոնյակ:

Թխվածքաբլիթը թաթախե՛ք սուրճի մեջ, դրե՛ք տարաների մեջ: Վրան լցրե՛ք կաթնաշոռե զանգվածը: Նորից թխվածքաբլիթը թեթևակի թաթախե՛ք սուրճի մեջ և դրե՛ք կաթնաշոռե զանգվածի վրա: