Lurer.com-ը գրում է.

Թուրքիայի արևելյան բանտերում իրենց պատիժը կրող Քրդական աշխատավորական կուսակցության 18 անդամ բանտից փախուստի է դիմել փորված թունելի միջոցով. չորեքշաբթի օրը հայտնում է Hurriyet-ը: 

Փախստականների հետքերով որոնողական աշխատանքների են դուրս եկել Բինգյոլ նահանգի ոստիկանության ներկայացուցիչները: Փախուստի դիմած բանտարկյալների հանցանքի ծանրության մասին որևէ տեղեկություն չի հաղորդվում: 

Նշենք, որ Քրդական աշխատավորական կուսակցությունը 1987-ից պայքարում է Թուրքիայի արևելքում անկախ Քրդստան պետություն ստեղծելու համար: ՄԱԿ-ն այս կուսակցությունը դասել է ահաբեկչական խմբավորումների սև ցուցակում:

Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print Տպել