Սյունիքում բախվել են «Կամազ» բեռնատարը, «ՎԱԶ 2106»-ն ու «ՎԱԶ 2107»-ը․ կա տուժած

Այսօր՝ դեկտեմբերի 7-ին, ավտովթար է տեղի ունեցել Սյունիքի մարզում։ Ինչպես հայտնում է Shamshyan.com-ը, ժամը 10։50-ի սահմաններում Գորիս-Սյունիք բնակավայր ավտոճանապարհին բախվել են Սյունիքի մարզի բնակիչներ 29-ամյա Արթուր Ս․-ի վարած «Կամազ» մանկնիշի բեռնատարը, 75-ամյա Արտաշես Ս․-ի վարած «ՎԱԶ 2106» մակնիշի և 45-ամյա Սևակ Ա․-ի վարած «ՎԱԶ 2107» մակնիշի ավտոմեքենաները։

Վթարի հետևանքով «06»-ի վարորդ Արտաշես Ս․-ն մարմնական վնասվածքներով տեղափոխվել է «Կապան» բժշկական կենտրոն։

Վթարի փաստով Սյունիքի մարզային քննչական վարչությունում նախաձեռնվել է քրեական վարույթ։