Ջենիֆեր Լոպեսը մեկ օրով ոճաբան է դարձել

1in.am-ը գրում է.

Վերջին ժամանակներս աստղերը հաճախ են փորձում իրենց տարբեր ոլորտներում: Այսպես, Ջենիֆեր Լոպեսն օրերս հանդես է եկել ոճաբանի դերում: 

Երջանիկը, ում հետ աշխատել է Լոպեսը, My Fabulous Quince մրցույթի 15-ամյա հաղթող Ալիսա Լինարեսն է: Մրցույթի կանոնների համաձայն՝ աղջիկը, որպես մրցանակ, ստացել է նորաձև ֆոտոշարքին մասնակցելու և նկարահանումների ժամանակ Ջենիֆեր Լոպեսի հետ աշխատելու հնարավորություն: 

Երգչուհին մրցույթի հաղթողին օգնել է ընտրել ֆոտոշարքի զգեստը, ինչպես նաև դիմահարդարել է նրան և գեղեցկության մի քանի խորհուրդներ տվել: Ինչպես տեղեկացնում է աղբյուրը, Լինարեսն ուշադիր լսել է նրան և ամեն ինչում համաձայնել: 

Մրցույթի կազմակերպիչներն աղջկա համար շքեղ ծննդյան տոն կկազմակերպեն: Սակայն, կարծես թե, որ Ալիսան ստացել է իր ամենամեծ նվերը: 

1. Ջենիֆեր Լոպեսը և մրցույթի հաղթող Ալիսա Լինարեսը




2. Ջենիֆեր Լոպեսն օգնել է Ալիսային ֆոտոշարքի համար զգեստ ընտրել...


3. Եվ դիմահարդարել է նրան


4. Ֆոտոշարքի ժամանակ Ալիսան իրեն, իրոք, իսկական արքայադուստր է զգացել