Երևանի մետրոպոլիտենի տոմսն արժի 100 ՀՀ դրամ: Ուղևորները տոմսը գնում են կամ մետրոպոլիտենի աշխատակիցներից, կամ Telcell-ի տերմինալներից: Ընդ որում, մետրոպոլիտենի աշխատակիցները ևս վաճառում են Telcell-ից գնած ուղևորատոմսերը: Վերջիններիս պատուհանների առջև միշտ հերթ է: Այդ իսկ պատճառով, շատ ուղևորներ պատրաստակամ են ռիսկի դիմել և ուղևորատոմս անմիջապես Telcell-ի տերմինալից գնել: Ցավոք, ռիսկն արդարացված չէ: Telcell-ի տերմինալից ուղևորատոմս գնել ցանկացողները շատ անգամ մնում են առանց տոմսի, առանց գումարի և քայքայված նյարդերով:
Երեկ ժամը 19:30-ի սահմաններում, միգուցե` այդ ժամից սկսած, Երևանի մետրոպոլիտենի «Երիտասարդական» կայարանի Telcell-ի տերմինալները «որոշեցին» հարստանալ ՀՀ հարկատուների հաշվին` ընդունում էին գումարը, սակայն ուղևորատոմս չէին տրամադրում: Թալանում էին, էլի: Մետրոպոլիտենի աշխատակիցներն ասում էին, որ Telcell-ի հետ որևէ առնչություն չունեն, պատասխանատու չեն և խորհուրդ էին տալիս իրենցից գնել այդ նույն Telcell-ի վաճառած ուղևորատոմսերը:
Միայն երեկ ժամը 19:30-ի սահմաններում տասնյակ ՀՀ հարկատուներ թալանվեցին: Telcell-ը հարստացավ: Ենթադրաբար` հարստացավ նաև Երևանի քաղաքապետարան-ը:
Եվ, ուրեմն, ինչպես ասում է Փաշինյան Նիկոլը (Nikol Pashinyan / Նիկոլ Փաշինյան) եկեք խմենք ՀՀ հարկատուների կենացը և ցանկանանք, որ վերջիններս միշտ թալանվեն:
Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print Տպել