Արսենյանն ու Լավրովը քննարկել են հայ-ռուսական հարաբերությունները և տարածաշրջանային օրակարգի որոշ հարցեր

Ռուսաստանի Դաշնության արտաքին գործերի նախարար Սերգեյ Լավրովն ընդունել է Ռուսաստանում Հայաստանի Հանրապետության արտակարգ և լիազոր դեսպան Գուրգեն Արսենյանին: Այս մասին հայտնում են ՌԴ ԱԳՆ պաշտոնական կայքից։

Ըստ հաղորդագրության՝ Սերգեյ Լավրովը շնորհավորել է Գուրգեն Արսենյանին դեսպան նշանակվելու կապակցությամբ ու մաղթել հաջողություններ՝ աշխատանքում։

ՌԴ ԱԳՆ-ից հայտնում են նաև, որ քննարկվել են հայ-ռուսական հարաբերություններին վերաբերող հարցեր, ինչպես նաև որոշ հարցեր՝ տարածաշրջանային օրակարգից։