1in.am-ը գրում է.

Առնվազն 8 հազար մարդ է դուրս եկել Էդինբուրգի փողոցներ՝ Շոտլանդիան Բրիտանիայից առանձնանալու օգտին երթի: Այս մասին տեղեկացրել է քաղաքային ոստիկանությունը: 

Ընդ որում՝ կազմակերպիչների տվյալներով, կայանալիք հանրաքվեին ընդառաջ տեղի ունեցած արարողություններին 20-30 հազար մարդ է մասնակցել:

«Անկախությանը կողմ քվեարկիր» ցույցին մասնակցել են ինչպես քաղաքական կազմակերպությունների անդամներ, այնպես էլ Շոտլանդիայի շարքային քաղաքացիներ: Զանգվածային ցույցը տեղի է ունեցել Էդինբուրգի կենտրոնում, որտեղից էլ ցուցարարները շարժվել են դեպի շոտլանդական խորհրդարան: 

Շոտլանդիայի անկախության հանրաքվեն նշանակված է 2014թ. սեպտեմբերի 18-ին:

Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print Տպել