1in.am-ը գրում է.

Ուրբաթ ճապոնական ANA ավիաընկերության Boeing 787 Dreamliner ինքնաթիռի մոտ թռիչքից առաջ խնդիր է առաջացել՝ կապված գլխավոր կուտակիչի հետ: Ինքնաթիռը Պեկինից պետք է թռչեր Տոկիո:

Թռիչքից առաջ օդաչուների խցիկում ցուցիչը ցույց է տվել սարքի լարվածության անկում: Սակայն մի քանի րոպե անց նախազգուշացումն անհետացել է, և օդաչուն որոշել է թռիչքն իրականացնել ըստ չվացուցակի: 

Տոկիոյի «Նարիտա» օդանավակայանում բարեհաջող վայրէջք կատարելուց հետո արագ փոխվել են գլխավոր կուտակիչն ու սարքը, որոնք ուղարկվել են Boeing ընկերություն՝ ուսումնասիրության: Այս մասին հաղորդում է ITAR-TASS-ը:

Boeing 787 Dreamliner-ի մոտ նախկինում ևս գլխավոր կուտակիչների հետ կապված խնդիրներ են առաջացել:

Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print Տպել