Օգոստոսի 20-ին, ժամը 19։48-ին Ճգնաժամային կառավարման ազգային կենտրոն ահազանգ է ստացվել, որ Երևանի Սեբաստիա փողոցում տեղի է ունեցել ՃՏՊ․ անհրաժեշտ է փրկարարների օգնությունը։
Դեպքի վայր է մեկնել ՆԳՆ ՓԾ Երևան քաղաքի փրկարարական վարչության հրշեջ-փրկարարական ջոկատից մեկ
մարտական հաշվարկ։
Պարզվել է, որ Սեբաստիա փողոցի թիվ 16/1 հասցեի մոտակայքում բախվել են «Mercedes-Benz» (վարորդ՝ Հ․ Ս․, ծնված 1961 թ.) և «Mitsubishi» (վարորդ՝ Հ․ Գ․, ծնված 1999 թ․) մակնիշների ավտոմեքենաները․ կան տուժածներ։
Մինչ փրկարարների կանչի վայր հասնելը՝ վարորդները հոսպիտալացվել են։
Փրկարարները հոսանքազրկել են ավտոմեքենաները և փակել գազի բալոնների փականները։
Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print Տպել