«Խնդրում եմ նորից մտածել ու կնոջը վերադարձնել ընտանիք»․ ռեփեր, գործարար Տիմատին տեսանյութ է հրապարակել Wildberries-ի հիմնադրի ամուսնու՝ Վլադիսլավ Բակալչուկի հետ, աջակցություն հայտնելով նրան և նաև հայտարարել, որ «մարդիկ մտել են ուրիշի ընտանիք» և «փորձում են վերցնել բիզնեսը»։ Ավելի վաղ նման հայտարարությամբ էր հանդես եկել Չեչնիայի ղեկավար Ռամզան Կադիրովը։
Վլադիսլավ Բակալչուկը Russ ընկերության ղեկավարներ Միրզոյան եղբայրներին մեղադրում է Տատյանա Բակալչուկին «ռեյդով զավթելու» և շահարկելու համար։ Նրա խոսքով՝ կինը իրեն լքել է գարնանը։
Wildberries առցանց խանութի և Russ արտաքին գովազդի օպերատորի միաձուլման մասին հայտարարվել էր հունիսի 18-ի երեկոյան։ РБК-ի աղբյուրները հայտնել էին, որ նոր միավորված ընկերությունների խմբի գործադիր տնօրենը կդառնա Ռոբերտ Միրզոյանը։
Տատյանա Բակալչուկը հերքել է «ռեյդային զավթման» մասին հայտարարությունները, նշել է, որ իր ամուսինն ընկերությունում ունի 1% և Russ-ի հետ միավորվելու որոշումը որակել է Wildberries-ի վերափոխման մաս: