![](/static/news/b/2024/07/870675.jpg)
Երեկ՝ հուլիսի 23-ին, արտառոց դեպք է տեղի ունեցել Երևանում։
Ինչպես հայտնում Shamshyan.com-ը, երեկ շտապօգնությունում ահազանգ է ստացվել, որ մի քաղաքացի անօգնական վիճակում գտնվում է փողոցում։ Շտապօգնությունը նրան տեղափոխել է «Արմենիա» բժշկական կենտրոն, որտեղ ընդունարանում գտնվող աշխատակիցը հայտնել է, որ քաղաքացին իրենց բուժառուն չէ, քանի որ փաստաթղթեր չունի և իրենք ոչինչ չեն կարող անել։
Բժշկական կենտրոնի վիրաբուժության գծով տնօրենի տեղակալը հայտնել է, որ քաղաքացուն առաջին անգամ չէ, որ բերում են իրենց մոտ, ինչից հետո բժիշկները հերթական անգամ կատարել են ոտքերի վերքերի մշակման աշխատանքներ։
Այդ ընթացքում համայնքային ոստիկանության տեսուչը կապվել է աշխատանքի եւ սոցիալական հարցերի նախարարության աշխատակիցներից մեկի հետ, ինչից հետո նախարարության աշխատակիցները եկել են հիվանդանոց, գրանցել քաղաքացու տվյալները և հեռացել՝ առանց բուժառուին խնամքի կենտրոն տեղափոխելու։
Ժամը 22:00-ի սահմաններում ոստիկանության Մաշտոցի բաժնում տեղեկություններ են ստացվել, որ տղամարդը «Արմենիա» բժշկական կենտրոնում մահացել է:
Գ. Շամշյանի տեղեկություններով՝ մահացածը Արմավիրի մարզի Փարաքար համայնքի բնակիչ 58-ամյա Լևոն Երջանյանն է:
Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print
Տպել