1in.am-ը գրում է.

Սեպտեմբերի 18-ին, ժամը 13.20-ին, ոստիկանության շտաբի հերթապահ մասից ոստիկանության Սևանի բաժնում հաղորդում է ստացվել, որ իրենց է ահազանգել մի տղամարդ և հայտնել, որ Սևան քաղաքի հիվանդանոցի դիմաց գտնվող բենզալցակայանի մոտ կրակել են իր վարորդի ուղղությամբ: 

Մեկնած օպերատիվ խումբը դեպքի վայրի զննությամբ, Երևան-Իջևան ճանապարհի 63-րդ կմ-ին` դեպի Իջևան տանող կողնակում, հայտնաբերել է «Շևրոլետ Ցենտուրյոն» մակնիշի ավտոմեքենա` առջևի ձախ պատուհանը կոտրված վիճակում:

Ավտոմեքենայի վարորդը` 1989 թ. ծնված Արթուր Դ.-ն, հայտարարել է, որ կայանված վիճակում, գտնվելով ավտոմեքենայի սրահում, լսել է կրակոցի ձայն, և ապակին փշրվել է:

Քննչական բաժանմունքում նախապատրաստվում են նյութեր

Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print Տպել