Doctors.am-ը գրում է.
Ամուր եղունգներ ունենալու համար կարելի է շփել դանք կարտոֆիլի խյուսով, որի վրա նախապես պետք է ավելացնել մի քիչ կաթ ու քացախ։ Դյուրաբեկ և կոտրվող եղունգները մեկ շաբաթ շարունակ առավոտյան և երեկոյան պետք է շփել կիտրոնով։
Ծխախոտի կամ այլ պատճառով մատների վրայի լաքաները կարելի է անցկացնել՝ կիսած կիտրոնով շփելով։ Կոտրվող եղունգները կարելի է նաև պահել գոլորշու վրա տաքացրած մեղրամոմի մեջ՝ մատների վրա առաջացած թեփը թողնելով մինչև առավոտ։
Սպիտակուցներով, հանքային աղերով, ժելատինով հարուստ սնունդ օգտագործելու դեպքում եղունգներն ավելի ամուր կլինեն և ավելի արագ կաճեն։ Փայլուն եղունգներ ունենալու համար պետք է պարզապես շփել դրանք քացախով։
Եղունգների ընդհանուր առողջության համար շաբաթը մեկ անգամ դրանք կարելի է պահել աղաջրի մեջ (1լիտր ջրին 100գ աղ ավելացրեք և 5 րոպե տաքացրեք կրակի վրա), ապա յուրաքանչյուր եղունգը շփել ձիթայուղով։
Եղունգները կարճ կտրելու դեպքում մատներն ավելի կարճ ու հաստ կթվան։ Անհարթ եղունգները ավելի ողորկ դարձնելու համար՝ պետք է խառտել մեջտեղի մասով, խառտոցը շարժել թեթև,առանց սեղմելու։ Եղունգների վրա սպիտակ կետերի ի հայտ գալը մաշկային անցողիկ հիվանդությունների հետևանք է, իսկ կարմիր կետերը վկայում են սրտի հետ կապված խնդիրների մասին։
Պարտեզում որևէ գործ ձեռնարկելուց առաջ կարելի է եղունգներով ճանկռտել խոնավ օճառր.այն կլցվի եղունգների տակ և թույլ չի տա, որ հողն ու ավազը մտնեն։ Գործն ավարտելուց հետո պետք է օճառով լավ լվացվել։