1in.am-ը գրում է.

Մակեդոնիայում մեղադրանք է առաջադրվել 20 մարդու, որոնց կասկածում են հօգուտ հարևան երկրներից մեկի լրտեսություն կատարելու համար, հաղորդում է Reuters-ը: 

Մեղադրյալների թվում կան՝ պատգամավոր, լրագրող, զինվորականներ, մակեդոնական հատուկ ծառայությունների ու ոստիկանության աշխատակիցներ: Նրանց մեղադրում են նաև որոշ գործարարների շանտաժ անելու համար: 

«Մենք տեղեկություն ունենք, որ այդ խումբը համագործակցել է արտասահմանյան մի քանի ծառայությունների հետ, սակայն նրանք հիմնականում աշխատել են հարևան երկրներից մեկի հետ»,-հայտարարել է Մակեդոնիայի արտգործնախարար Ջորդանա Յանկուլովսկան:

Նա չի ընդգծել, թե խոսքը որ երկրի մասին է: Մակեդոնիան սահմանակից է Հունաստանին, Ալբանիային, Սերբիային, Կոսովոյին և Բուլղարիային:

Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print Տպել