Panorama-ը գրում է.
ԱՄՆ պետքարտուղար Ջոն Քերին հայտարարել է, որ Սիրիայի քիմիական զենքի ոչնչացման վերաբերյալ ԱԽ բանաձևը պետք է առավելագույնս խիստ լինի, որպեսզի Բաշար Ասադն ամբողջությամբ հետևի և կատարի ռուս-ամերիկյան համաձայնության պայմանները: Այս մասին հայտնում է Reuters գործակալությունը:
«Դա տեղի կունենա միայն այն պայմանով, որ ՄԱԿ-ն ընդունի խիստ բանաձև, որ դա տեղի ունենա միջազգային հանրության ճնշման տակ, որ Ռուսաստանը մեզ հետ լինի, և վերջապես այն պայմանով, որ Ասադը կատարի համաձայնությունը»,-մամուլի ասուլիսի ժամանակ ասել է Քերին:
«Կարևոր է, որ ուժի կիրառման սպառնալիքը ակտուալ մնա որպես երաշխիք, որ Ասադն ամբողջությամբ կկատարի համաձայնության կետերը»,-ընդգծել է պետքարտուղարը:
Նշենք, որ ԱՄՆ-ի, Ռուսաստանի, Մեծ Բրիտանիայի, Ֆրանսիայի և Չինաստանի դիվանագետները բանակցություններ են սկսել Սիրիայի քիմիական զենքի պաշարները ոչնչացնելու մասին բանաձևի շուրջ:
Ամբողջական հոդվածը կարող եք կարդալ այստեղ