Aysor.am-ը գրում է.

Չինուհին ջրհորում անցկացրել է 15 օր և ողջ մնացել: Այս մասին հայտնում է BBC-ն: 38-ամյա Սու Ցիսյուն սեպտեմբերի 1-ին ընկել է 4 մետր բարձրություն ունեցող չորացած ջրհորը:

Նա ողջ է մնացել այն բանի շնորհիվ, որ հացահատիկ է կերել և խմել անձրևաջուր: Նրան երկուշաբթի օրը ջրհորից դուրս են բերել հրշեջ- փրկարարները, և տեղափոխել հիվանդանոց:

Ջրհորը շրջապատված է եղել եգիպտոցորենի դաշտով, ինչի պատճառով կինը չի նկատել փոսը: Հարազատները կնոջը սկսել են փնտրել նրա անհետանալուց անմիջապես հետո, սակայն դա արդյուքն չի տվել: Սեպտեմբերի 16-ին կնոջ ձայնը լսել է գյուղացիներից մեկը, ով աշխատել է դաշտում: Նա էլ կանչել է հրշեջ փրկարարներին:

Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print Տպել