1in.am-ը գրում է.

Լեոնարդո դի Կապրիոն կմարմնավորի ԱՄՆ 28-րդ նախագահ Վուդրո Վիլսոնին նոր ֆիլմում, որը նկարահանելու է Appian Way պրոդյուսերական ընկերությունը: 

Ինչպես հայտնում է The Hollywood Reporter-ը, ֆիլմը հիմնված է լինելու Վիլսոնի կենսագրության վրա, որի հեղինակը Էնդրյու Սքոթ Բերգն է: 

Կենսագրության էկրանավորմամբ հետաքրքրվել է նաև Warner Bros կինոընկերությունը: 

Ավելի վաղ Դի Կապրիոն հայտարարել էր, որ ժամանակավորապես թողնում է կինոկարիերան՝ բարեգործությամբ զբաղվելու համար:

Թոմաս Վուդրո Վիլսոնը ծնվել է 1856թ, եղել ԱՄՆ նախագահ 1913 -1921թթ.: Հենց նրա նախագահության տարիներին՝ 1917թ. երկիրը ներքաշվեց Առաջին համաշխարհային պատերազմի մեջ:

Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print Տպել