Panorama.am-ը գրում է.
ԱՄՆ Մերիլենդ նահանգի նահանգապետ Մարտին Օ՛Մելլին (Martin OMalley) շնորհավորական ուղերձ է հղել Հայաստանի Հանրապետության և Լեռնային Ղարաբաղի Հանրապետության անկախության տարեդարձի առթիվ, և նրա հրովարտակով սեպտեմբերի 21-ը Մերիլենդ նահանգում հռչակվել է Հայաստանի անկախության օր։
Ընդգծելով, որ «Հայ ժողովուրդը, ներառյալ Լեռնային Ղարաբաղի զարգացող ժողովրդավարությունում ապրող հայերը, երկարամյա և հարատև կապեր ունեն Միացյալ Նահանգների հետ», Նահանգապետ Օ՛Մելլին իր հրամանագրում մասնավորապես ասել է.
«Հայաստանը, Լեռնային Ղարաբաղը և Միացյալ Նահանգները կիսում են միևնույն արժեքները և հավատում են ազատության, ժողովրդավարության, ինքնորոշման և մարդու իրավունքների հիմնարար սկզբունքներին։ Մերիլենդ նահանգը ուրախ է ճանաչել Հայաստանի անկախության օրը և Հայաստանի Հանրապետությանը հղում է մեր մեծ հարգանքը և լավագույն բարեմաղթանքները»։
Ամբողջական հոդվածը կարող եք կարդալ այստեղ