1in.am-ը գրում է.

Նիկարագուայի իշխանությունները կրկին դիմել են ՄԱԿ-ի միջազգային դատարան՝ Կոլումբիայի հետ ծովային սահմանը որոշելու խնդրանքով: Այս մասին հայտնում է BBC-ն:

Անցյալ տարի Հաագայի դատարանը որոշում էր կայացրել, համաձայն որի՝ Կարիբյան ծովի արևմտյան հատվածի մի քանի վիճելի կղզիներ (Սան Անդրես, Պորվիդենսիա և Կատալինա) պատկանում են Կոլումբիային:

Միևնույն ժամանակ դատարանն ընդլայնել է Նիկարագուայի՝ նավթով հարուստ շրջաններում ծովային սահմանները:

Սակայն Նիկարագուայի նախագահ Դանիել Օրտեգան դատարանի որոշումն անվանել էր ոչ հստակ, իսկ Կոլումբիայի իշխանությունները հրաժարվել էին ճանաչել այն:

Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print Տպել