Դևիդ Բեքհեմի սրճարանի սեղանները մինչև բացումն արդեն պատվիրված են

1in.am-ը գրում է.

Սեպտեմբերի 16-ին Լոնդոնում կբացվի Union Street Café-ն, որը Դևիդ Բեքհեմի և Գորդոն Ռամզիի համատեղ հաստատությունն է: Սակայն սրճարանում մինչև հունվար հայտնվել հնարավոր չէ, քանի որ մինչև այդ ժամանակը բոլոր սեղաններն արդեն պատվիրված են: Առցանց համակարգի աշխատանքի առաջին կես ժամվա ընթացքում 1200 պատվերներ են ստացվել, չորս ժամ անց դրանց թիվը կրկնապատկվել է, իսկ մեկ օր անց Union Street Café-ի սեղանները պատվիրված են եղել մինչև նոյեմբեր: 

Նախկին ֆուտբոլիստի և սկանդալային շեֆ-խոհարարի հաստատությունում հիմնականում կմատուցվեն միջերկրական և տեղական խոհանոցների ուտեստներ։ Սրճարանի դիզայնն առանձնանում է պարզությամբ և լակոնիկությամբ: Համասեփականատերերը խոստովանել են, որ այդպիսի հաջողություն չէին սպասում: