1in.am-ը գրում է.
Հունաստանում այսօր մեկնարկում է զանգվածային գործադուլների շաբաթը՝ միջազգային վարկատուների (ԵՄ, Եվրոպական կենտրոնական բանկ և ԱՄՀ) «եռյակի» ներկայացուցիչների այցի նախաշեմին: Վարկատուները պետք է գնահատեն երկրում կառուցվածքային բարեփոխումների ընթացքը՝ հայտնում է ITAR-TASS-ը:
Մի քանի հազար պետծառայողներ աշխատանքային ռեզերվ են տեղափոխվել հուլիսին: Մինչև սեպտեմբերի վերջը ծրագրվում է աշխատանքային ռեզերվ ուղարկել ևս 12.500 մարդու:Նրանցից 4000-ը վերջնականապես կհեռացվեն:
Այս շաբաթվա սկզբին հունական կառավարության ներկայացուցիչների հետ աշխատանքը կսկսեն «եռյակի» տեխնիկական մասնագետները, իսկ առաքելության ղեկավարները, ինչպես սպասվում է, Աթենք կժամանեն սեպտեմբերի 22-ին: Տեսուչները կքննարկեն խոշոր պետական կորպորացիաների մասնավորեցման ծրագրերը: