ՀՀ տարածքում կան փակ և դժվարանցանելի ավտոճանապարհներ

Մինչև փետրվարի 15-ը ճանապարհի վերանորոգման աշխատանքներով պայմանավորված Մ-6 մայրուղու Վանաձոր-Ալավերդի ճանապարհահատվածի մոտ 38-40-րդ կմ փակ է լինելու ավտոբուսների և կցորդով կամ կիսակցորդով բեռնատար ավտոմեքենաների համար։ Շրջանցիկ ավտոճանապարհը կգործի Նոյեմբերյան քաղաքով։

Փակ են Արագածոտնի մարզում «Ամբերդ» բարձր լեռնային օդերևութաբանական կայանից դեպի Ամբերդ ամրոց և Քարի լիճ տանող ավտոճանապարհները:

Փակ է Ֆանտան-Ջրաբեր ավտոճանապարհը։

Ստեփանավանի ոլորանները, Վարդենյաց լեռնանցքը, Վանաձոր-Ալավերդի, Վանաձոր-Դիլիջան, Դիլիջանի ոլորանները, Ջերմուկի խաչմերուկից դեպի Ջերմուկ քաղաք, Սյունիք գյուղից դեպի «Զանգեր» և «Մեղրու Սար» կոչվող հատվածները փակ են կցորդիչով բեռնատարների համար:

Վազաշեն-Պառավաքար և Բերդ-Ճամբարակ ավտոճանապարհները դժվարանցանելի են կցորդիչով բեռնատարների համար:

Վարդենյաց լեռնանցքը, «Մեղրու Սար» կոչվող հատվածը և Ամասիա-Բերդաշեն ավտոճանապարհը դժվարանցանելի են բոլոր տեսակի տրանսպորտային միջոցների համար։

Թալինի տարածաշրջանում տեղում է ձյուն։

Երևան-Սևան ավտոճանապարհի 27-30 կմ-ին և Թալինի տարածաշրջանում մառախուղ է:

Տաթև գյուղում բուք է:

Լարսի մասին

Վրաստանի ՆԳՆ ԱԻ դեպարտամենտից և ՌԴ ԱԻՆ Հյուսիսային Օսիայի ճգնաժամային կառավարման կենտրոնից ստացված տեղեկատվության համաձայն՝ Ստեփանծմինդա-Լարս ավտոճանապարհը փակ է կցորդիչով բեռնատարների համար։

Վարորդներին խորհուրդ է տրվում երթևեկել բացառապես ձմեռային անվադողերով։