Գլուխը թեքելու աստիճանից կախված՝ փոխվում է սեքսուալությունը

Aysor.am-ը գրում է.

Ավստրալացի մի խումբ հոգեբաններ փորձել են գտնել գլխի առավել սեքսուալ դիրքերը: Ինչպես հաղորդում է woman.ru-ն, նրանք կամավորների խումբ են կազմել և խնդրել գնահատել կնոջ՝ տարբեր աստիճանի անկյունների տակ թեքված 3D դիմանկարները:

Պարզվել է, որ կանայք ավելի գայթակղիչ են դառնում, երբ մի թեթև վերև են պահում գլուխը:

Տղամարդկանց դեպքում գրանցվել է ճիշտ հակառակը: Կանանց ավելի շատ գրավում են տղամարդու գլխի փոքր-ինչ ներքև թեքված դիրքերը:

Հոգեբաններն այս ամենը բացատրել են առաջին հերթին տղամարդկանց և կանանց հասակների տարբերությամբ:

Լուսանկարում աջ կողմում պատկերված է գլխի ճիշտ անկյունը, որ դուր է գալիս տղամարդկանց, իսկ ձախում «սխալ» թեքությունն է ցույց տրված. այն բացարձակ չի ազդում հակառակ սեռի ընկալումների վրա: