Panorama.am-ը գրում է.
Գյուղատնտեսության նախարար Սերգո Կարապետյանի` ադրբեջանական ու թուրքական ծագմամբ մթերքի ներկրումը թույլատրող հրամանից հետո Հայաստան ներկրվել են թուրքական ծագմամբ մի քանի տեսակ ապրանքներ: Ադրբեջանական ծագման ապրանքներ հունիսի 7-ից մինչ օրս չեն բերվել. հավաստում են ԳՆ սննդամթերքի անվտանգության պետական ծառայությունից:
«Թուրքիայից բերվել են կիտրոն, մաստակների տեսականի, խմորիչ, սննդային հավելումներ, պարենային եգիպտացորենի հատիկներ»,-մանրամասնեցին ծառայությունից:
Լաբորատոր փորձաքննության ենթարկվել են միայն մաստակները, քանի որ անվտանգության փաստաթղթերը չեն բավարարել կառավարության որոշման 1442 որոշման պահանջներին: Ըստ ծառայության, փորձաքննության արդյունքում պարզվել է, որ մաստակներն անվտանգ են:
Հարցին, թե ինչո՞ւ ոչ բարեկամ երկրներում արտադրված ու Հայաստան բերվող բոլոր սննդամթերքները չէ, որ ստուգվում են, ծառայությունից պատասխանեցին, որ ISO-ն և ՀԱՍՊ-ն համարվում են անվտանգության սերտիֆիկատներ:
«Ու եթե տվյալ պետությունը այդ սերտիֆիկատները տալիս է, մենք իրավունք չունենք կողմնապահություն անել, հասկանո՞ւմ եք»,-ասաց ծառայության հասարակայնության հետ կապերի վարչության աշխատակիցը:
«Իրազեկ և պաշտպանված սպառող» ՀԿ նախագահ Բաբկեն Պիպոյանը կարծում է, որ Թուրքիայից բերված ապրանքները լաբորատոր փորձաքննության իրականացման համար ծառայությունը իրավասություն ունի, սակայն բավարար կամք չունի: Նրա խոսքով, չի բացառվում ուղեկցող անվտանգության փաստաթղթերը չարտացոլեն իրական պատկերը, ու մենք չիմանանք` ի՞նչ են մեզ ուղարկում ու ի՞նչ մտադրությամբ:
Ամբողջական հոդվածը կարող եք կարդալ այստեղ