Armsport.am-ը գրում է․
Հայաստանի սամբոյի հավաքականի անդամ, 71 կգ քաշային Արան Աղաջանյանն աշխարհի առաջնության փոխչեմպիոնի կոչումը նվաճելուց հետո լրագրողների հետ զրույցում կիսվել է տպավորություններով.
«Այնքան էլ գոհ չեմ արդյունքիցս. մրցումներից մի փոքր առաջ ուսի վնասվածք էի ստացել, ինչը խանգարեց ինձ ցույց տալ այն, ինչին ունակ եմ: Հուսով եմ՝ հաջորդ անգամ կստացվի չեմպիոն դառնալ: Շնորհակալություն եմ հայտնում մեր մարզիչներին՝ Վովիկ Խոջայանին, Հայկ Ավետիսյանին, Էռնեստ Միրզոյանին, քանի որ իմ այս նվաճման մեջ իրենց ներդրումը շատ մեծ էր:
Հաղթանակս նվիրում եմ հայ ազգին ու սահմանին ամուր կանգնած զինվորներին: Անբացատրելի զգացողություններ ենք ունենում հարազատ պատերի ներքո մրցելիս և մեդալ նվաճելիս: Երկրպագուներն ինձ շատ օգնեցին ու նպաստեցին իմ հաջողությանը: Հուսով եմ՝ կարողացա ուրախացնել նրանց»,- ասել է Արամ Աղաջանյանը:
