Emedia.am-ը գրում է.
Սիրիայի այսպես կոչվող, «Ազատ բանակի» հրամանատարությունը մերժել է Ռուսաստանի նախաձեռնությունը միջազգային հսկողության տակ հանձնել Սիրիայի տարածքում գտնվող քիմիական զենքների պահեստները։
Այդ մասին փոխանցում է Agence France Presse գործակալությունը։
Հիշեցնենք, որ ՄԱԿ-ի հատուկ աշխատանքային խումբը տևական ժամանակ ուսումնասիրում էր օգոստոսին Դամասկոսի հարևանությամբ քիմիական զենքի օգտագործման փաստը։ ԱՄՆ-ն, Ֆրանսիան և Մեծ Բրիտանիան հանդես էին գալիք մեղադրանքով, որ քիմիական զենքի օգտագործման պատասխանատվությունն ընկնում է Սիրիայի իշխանությունների վրա։ Իր հերթին Ասադի ռեժիմն ուղղակի անտրամաբանական է համարում այդ պնդումը՝ ընդգծելով, որ օգտագործման հետևանքով ոչ միայն հիմնականում տուժել են պարզապես քաղաքացիական անձինք, այլև Սիրիայի կառավարական զորքերի մի շարք զինվորականներ։