Սպիտակ տունը հորդորում է Բաքվին անհապաղ դադարեցնել ռազմական գործողությունները

Ըստ Անվտանգության խորհրդի խոսնակ Էդրիեն Ուաթսոնի՝ «Միացյալ Նահանգները խորապես մտահոգված է Լեռնային Ղարաբաղում Ադրբեջանի ռազմական գործողություններով: Մենք կոչ ենք անում Ադրբեջանին անհապաղ դադարեցնել այս ռազմական գործողությունները, որոնք վատթարացնում են առանց այն էլ սարսափելի մարդասիրական իրավիճակը և խաթարում խաղաղության հեռանկարները։ Մենք կապի մեջ ենք մեր դաշնակիցների և գործընկերների հետ՝ իրավիճակի անհապաղ դեէսկալացիա համատեղ հորդորելու համար և կոչ անելու Ադրբեջանին ուղիղ երկխոսության գնալ Լեռնային Ղարաբաղի բնակչության ներկայացուցիչների հետ»,- ասել է Անվտանգության խորհրդի խոսնակը։