Եվ այսպես, ի՞նչ է ենթադրում հակաահաբեկչական գործողության ռեժիմը։
Ահա թե ինչ լիազորություններ ունեն իշխանությունները.
- Թույլատրվում է ստուգել քաղաքացիների փաստաթղթերը։ Եթե դրանք բացակայում են, քաղաքացին կարող է տեղափոխվել ոստիկանություն՝ անձը հաստատելու համար: ՀԱԳ գոտուց մուտքի և ելքի ժամանակ թույլատրվում խուզարկել մարդկանց։
- Անհրաժեշտության դեպքում անվտանգության ուժերն իրենց հայեցողությամբ կարող են «անհատներին հեռացնել տեղանքի որոշակի տարածքներից և օբյեկտներից», ինչպես նաև տարհանել մեքենաները:
- Հատուկ ծառայություններն իրավունք կունենան լսել հեռախոսային խոսակցությունները և կարդալ ցանկացած նամակագրություն համացանցում։
- Իշխանությունները կկարողանան օգտագործել ցանկացած կազմակերպության և մարդկանց պատկանող մեքենաները՝ առաջին օգնություն ցուցաբերելու և հանցագործներին քրեական պատասխանատվության ենթարկելու համար։ Միևնույն ժամանակ, ուրիշի գույքի օգտագործման հետ կապված ծախսերը հետագայում պետք է փոխհատուցվեն:
- Պայթուցիկ, ռադիոակտիվ, քիմիապես և կենսաբանորեն վտանգավոր նյութեր օգտագործող արտադրական օբյեկտները կարող են ժամանակավորապես փակվել:
- Մարզի տարածքում կարելի է անջատել ցանկացած կապ՝ և՛ հեռախոսային, և՛ ինտերնետ հասանելիություն։
- Անհրաժեշտության դեպքում անհատները կարող են տեղափոխվել «անվտանգ տարածքներ»: Իշխանություններից կպահանջվի ժամանակավոր կացարան տրամադրել տարհանվողներին։
- ՀԱԳ գոտու ցանկացած տարածքում կարող է սահմանափակվել մարդկանց և մեքենաների տեղաշարժը։
- «Ահաբեկչության դեմ պայքարի» հետախուզության աշխատակիցները կկարողանան մուտք գործել ցանկացած տարածք առանց դատարանի որոշման:
- Ալկոհոլի վաճառքը կարող է սահմանափակվել։
Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print
Տպել
