Կրասնոդարի կենտրոնում՝ Մորսկայա փողոցում, պայթյուն է լսվել, հաղորդում է Կրասնոդարի երկրամասի օպերատիվ շտաբը։ Դրա փոխանցմամբ՝ զոհեր և վիրավորներ չկան։ Թե ինչն է եղել պայթյունի պատճառը, հայտնի չէ, գրում է kommersant.ru-ն։

Շտաբում պարզաբանել են, որ միջադեպը տեղի է ունեցել տեղական ժամանակով 4:17-ին։ Քաղաքապետ Եվգենի Նաումովն ավելի ուշ հաստատել է պայթյունի մասին տեղեկությունը։ Նա հավելել է, որ դրա հետևանքով վնասվել է գրասենյակային և բնակելի շենք։

Baza, Shot և այլ թելեգրամյան ալիքները հաղորդում են, որ քաղաքը գրոհել են անօդաչու թռչող սարքերը։

«Սոցիալական ցանցերում բազմաթիվ տարբեր տեղեկություններ և տեսանյութեր են շրջանառվում։ Բոլոր բնակիչներին խնդրում ենք հանգստություն պահպանել և վստահել միայն վստահելի տեղեկատվության աղբյուրներին»,- գրել է երկրամասի ղեկավար Վենիամին Կոնդրատիևը Telegram-ում։
Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print Տպել