Ilur.am-ը գրում է.
Հայ ազգային Կոնգրեսը քիչ առաջ հանդես է եկել հայտարարությամբ, որտեղ դատապարտում է ակտիվիստներ Սուրեն Սաղաթելյանի եւ Հայկական Արշամյանի դեմ իրականացված բռնությունը:
Հայտարարությունն ամբողջությամբ ներկայացնում ենք ստորեւ.
Վարչախումբը շարունակում է կառչած մնալ իր դեմ ուղղված քաղաքական ու քաղաքացիական պայքարի մասնակիցներին հակադարձելու` զազրելի ահաբեկչական մեթոդներին։ Ծպտված մի ավազակախմբի հարձակման թիրախ են դարձել քաղաքացիական ակտիվիստներ Հայկակ Արշամյանն ու Սուրեն Սաղաթելյանը։ Թվով 6-7 հոգի ջարդարարները հետապնդել, ապա մթի քողի տակ ծեծի են ենթարկել ակտիվստներին եւ դիմել փախուստի։ Սերժ Սարգսյանի իշխանության տարիների համար հատկապես, սա ծանոթ ձեռագիր է. մի մեթոդ, որը վարչախումբը կիրառել է ինչպես ոստիկանական աշխատողների, այնպես էլ` իր վերահսկողության տակ գտնվող քրեական տարրերի կատարմամբ։
Հայ Ազգային Կոնգրեսը դատապարտում է կատարված վանդալիզմը, ինչը մինչեւ վերջ չբացահատման դեպքում, անվերապահ վերագրելու է իշխանությանը։