Lurer.com-ը գրում է.

Թուրքիայի Հաթայ նահանգում՝ երկրի առողջապահության նախարարության ղեկավարից ոչ հեռու, պայթյուն է որոտացել։ Ֆահրեթին Կոջան հրաշքով ողջ է մնացել, հայտնում է տեղական Ahaber հեռուստաալիքը։

Քաղաքական գործիչն այցելել էր տուժածներին երկրաշարժի գոտում գտնվող դաշտային հիվանդանոցում և զրուցել բժիշկների հետ։ Այդ պահին պայթյուն է տեղի ունեցել, բոց է բռնկվել։ Լրագրողների տեղեկություններով՝ պայթել է փողոցում դրված տաքացուցիչներից մեկը։ Հայտնի է, որ թուրք նախարարը չի տուժել, նրա առողջությանը ոչինչ չի սպառնում։

Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print Տպել