Lurer.com-ը գրում է.

Չուվաշիայում պայթյուն է որոտացել Ուրենգոյ-Պոմարի-Ուժգորոդ մայրուղային գազատարի հատվածում, հայտնում են ռուսական լրատվամիջոցները։

Պայթյունի վայրում հրդեհ է բռնկվել, հայտնում է Հանրապետության քաղաքացիական պաշտպանության և արտակարգ իրավիճակների պետական կոմիտեն։ Հաղորդվում է երեք զոհի և մեկ վիրավորի մասին: Պայթյունի նախնական պատճառ է նշվում գազի արտահոսքը։

Ուրենգոյ - Պոմարի - Ուժգորոդը արտահանման հիմնական գազատար է, որը կառուցվել է ԽՍՀՄ կողմից 1983 թվականին՝ Արևմտյան Սիբիրի հանքերից բնական գազը Կենտրոնական և Արևմտյան Եվրոպայի երկրների սպառողներին մատակարարելու համար։ Ուրենգոյի նավթի և գազի կոնդենսատային հանքավայրը ամենամեծերից մեկն է աշխարհում։

Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print Տպել