Tert.am-ը գրում է.
ՌԴ Անվտանգության խորհրդի փոխնախագահ Դմիտրի Մեդվեդևը երկերեսանի է անվանել Մեծ Բրիտանիայի վարչապետ Ռիշի Սունակի խոսքերը Ուկրաինայից ռուսական զորքերը դուրս բերելու անհրաժեշտության մասին և բրիտանացիներին առաջարկել է Արգենտինային վերադարձնել Ֆոլկլենդյան (Մալվինյան) կղզիները։
«Ստացվում է սուտ, երկերեսանիություն և ծայրահեղ ցինիզմ: Ավելի լավ է, որ բրիտանացիները վերջապես հեռանան Մալվինյան կղզիներից և վերադարձնեն Արգենտինային:
Ֆոլկլենդները Բրիտանիա չեն, այլ Արգենտինա»,- Թվիթերում գրել է Մեդվեդևը։
Նա նաև շնորհավորել է Արգենտինայի հավաքականին Քաթարում կայացած աշխարհի առաջնությունում հաղթելու կապակցությամբ․
«Այդպես շարունակեք նաև արտաքին քաղաքականության ոլորտում»,- հավելել է նա։
Նյութի աղբյուր՝ https://www.tert.am/am/news/2022/12/19/medvedev/3875063
Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print
Տպել