Այնքան խառնաշփոթ է այն իրականութիւնը, ուր կապրինք ազգովին... Ներքին խլրտումները մեր հայրենիքէն ներս, արտաքին խլրտումները՝ Միջին Արեւելքի եւ տարածաշրջանի շուրջ հիւսուող ռազմական-քաղաքական դաւադրութեանց եւ քարտէսի վերաձեւաւորման գործընթացին հետ կապուած... ԳԵՐԱԳՈՅՆ ԶԳԱՍՏՈՒԹԵԱՆ, ԳԵՐԱԳՈՅՆ ՍԹԱՓՈՒԹԵԱՆ ՊԱՀՆ Է սա վստահաբար, կուլ չերթալու համար անոնց առթած ահռելի ցնցումներուն: Հերթական անգամ սակայն ԵՍ-ի գռփող ոտնձգութեանց առջեւ ենք կանգնած, ուր ՀԱՒԱՔԱԿԱՆ ՇԱՀԸ զոհ կերթայ անձնական-խմբակային նեղ ՇԱՀԱՄՈԼՈՒԹԵԱՆ, ուր բացակայ է ՊԵՏԱԿԱՆ ՄՏԱԾՈՂՈՒԹԻՒՆԸ, ուր փոխանակ հզօրացնելու ՆԵՐՀԱՅԿԱԿԱՆ ՆԵՐՔԻՆ ՃԱԿԱՏԸ եւ մեր ազգին ու հայրենիքին ի նպաստ լուծումներ գտնելու առկայ տարածաշրջանային ՊԱՅԹՈՒՑԻԿ իրավիճակէն, ներքին գզուըռտոցներով կը սպառենք մեր ցանուցիր ոյժերը: Ե՞ՐԲ ՊԵՏԱԿԱՆ ԱԶԳ ՊԻՏԻ ԴԱՌՆԱՆՔ, Ե՞ՐԲ ՊԻՏԻ ԿԱՐԵՆԱՆՔ ՏՈՒԵԱԼ ՊԱՀԻՆ ՄԵՐ ՈՅԺԵՐԸ ԿԵԴՐՈՆԱՑՆԵԼ ԱՄԷՆԷՆ ԱՌԱՋՆԱՀԵՐԹ ՀԻՄՆԱԽՆԴՐԻՆ ՇՈՒՐՋ ԵՒ ՎՃՌԱԿԱՄ ԲՌՈՒՆՑՔԱՒՈՐՈՒՄՈՎ ՅԱՂԹԱԿԱՆ ԴՈՒՐՍ ԳԱԼ: Ե՞ՐԲ ՊԻՏԻ ԹՕԹԱՓԵՆՔ ՄԵՐ ՎՐԱՅԷՆ ՔԱՐԱՆՁԱՒԱՅԻՆ ԳԱՒԱՌԱՄՏՈՒԹԻՒՆԸ....
