Լրագրողները Պապիկյան Սուրիկից հետարքրվել են՝ արդյոք հնարավո՞ր է նախագիծ մշակեն և ծառայությունից ազատեն այն զինծառայողներին, որոնք բազմաթիվ հոգեբանական ու ֆիզիկական խնդիրներով գերությունից վերադառնալուց հետո կրկին մեկնում են ծառայության, ինչին ի պատասխան Սուրիկը ժխտողական արձագանք է շպրտել՝ «ավետելով», որ երբ բարեփոխումների ամբողջ փաթեթն ավարտվի, ինքն ասուլիս կտա՝ նկատի ունենալով «Զինվորական ծառայության» վերաբերյալ օրենքում լրացումներ և փոփոխություններ անելու նախագիծը:

Որքանո՞վ է բարոյական կամ մարդասիրական այն երևույթը, երբ ադրբեջանական գերությունից վերադարձած զինվորներին կրկին ուղարկում են բանակ՝ նկատի ունենալով թե՛ այդ զինվորի բարոյահոգեբականական վիճակը, թե՛ խոշտանգվածությունը, թե ՕԳԳ-ն ու թե է՛լ ինչ ասես: Ի դեպ՝ հարցը ոչ միայն մարդասիրության տիրույթում է, այլև, ինչու ոչ, ազգային անվտանգության, որին առնչվող ռիսկերի մասին չեն կարող տեղյակ չլինել հատկապես ԱԱԾ-ի աշխատակիցները: Ասել կուզի՝ սա մի հարց է, որը պետք է լրջագույնս վերլուծվի, ու խնդրին ցուցաբեվող վերաբերմունքը փոխվի, ինչին, սակայն, կարծես այնքան էլ հակված չէ Պապիկյան Սուրիկը:

Մյուս կողմից՝ հարց է առաջանում՝ կապված Սուրիկի ասուլիսի հետ, որը, փաստորեն, տեղի է ունենալու միայն պոստ ֆակտում: Արդյոք ճիշտ չէ՞ր լինի, ասուլիս տար հիմա, քան թե միայն այն ժամանակ,երբ բանը բանից անցած կլինի:Իհարկե ճիշտ կլիներ, ուղղակի խնդիրն այն է, որ սրանք մի ծայրում են, ճշմարտությունը՝ հակառակում:
Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print Տպել