Չոբանյան Արենը Լոռու մարզի Ագարակ գյուղից էր: Դպրոցն ավարտելուց հետո ընդունվել էր Ֆիզկուլտ ինստիտուտ, այնուհետև՝ 2019 թվականի հուլիսի 22-ին զորակոչվել բանակ:
6 ամիս ծառայում է Արմավիրի զորամասում, այնուհետև տեղափոխվում Իվանյանի տանկային զորամաս: Առուշանյան Դավիթի զինվորներից էր Արենը: Դավիթը Արենին շատ էր սիրում: Պատերազմն էլ դիմավորեցին միասին ու առաջին իսկ կանչով մեկնեցին Եղնիկներ՝ օգնության:
Արենը Դավիթի ու Ասատրյան Հովիկի հետ այն նույն БМП-ի մեջ էր, որով էլ պիտի հերոսանային սեպտեմբերի 29-ին. 2 զինվոր իրենց հրամանտարի հետ սեփական կյանքի գնով կասեցրեցին թշնամու առաջխաղացումը:
Այսօր Արենի ծննդյան օրն է: Նա կդառնար 21 տարեկան, բայց հավերժ մնաց 19: Երկնային ծնունդդ շնորհավոր, հերոս տղա: Խունկ ու խոնարհում հիշատակիդ, Արեն ջան:
Արենը... հետո ինքը պետք է կրկներ ու գերազանցեր էն տղերքի սխրանքները, որոնց նկարների ֆոնին նկարվել է։
Նյութի աղբյուր՝ https://www.facebook.com/aram1307/posts/pfbid0hStzayXsSXMSb4b57mzATM3vYiCkWxSm6YzcNzi86oa43rTrrPeJzVz7nCK2anq1l
Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print
Տպել