Azatutyun.am-ը գրում է․

Եթե ռուս խաղաղապահները չլինեն այստեղ, ապա Արցախ չի լինելու։ Այս մասին «Ազատությանը» տված հարցազրույցում ասաց Արցախի Հանրապետության արտգործնախարար Դավիթ Բաբայանը։

«Մենք չպետք է էքսպերիմենտների դիմենք, ինչ-որ արկածախնդրության գնանք։ Մարդիկ կան`տարբեր գնահատականներ են տալիս, ոմանք բղավում են`իրենց հայրենասերի տեղ դրած, Արցախի ճակատագիրը խաղալիք չէ, հատկապես` հիմա։ Այո, առանց ռուս խաղաղապահների չի լինելու Արցախ, սա միանշանակ է, թող որևէ մեկի մոտ իլյուզիա չլինի, մենք ենք, չէ՞, այստեղ ապրում և մենք չենք ուզում պատմության մեջ դառնանք այն սերունդը, որ կորցրել է 15 000 տարվա մեր հայրենքիը։ Սա բոլորը պետք է իմանան, սա նշանակում է, որ խելոք պետք է լինենք և հեռու մնանք դեմագոգներից, թույլ չտանք, որ նրանք ազգի ճակատագիր որոշեն»,- ասաց Բաբայանը։

Անդրադառնալով Արցախի Փառուխ գյուղում տեղի ունեցած վերջին դեպքերին՝ արտգործնախարարը ասաց․

«Ռուս խաղաղապահները առաջին անգամ տեսել են՝ ով ով է, հասկացել են՝ ինչ է Ադրբեջանը, այս իրադարձությունները անակնկալի բերեցին նաև ռուս խաղաղապահներին։ Թշնամու նպատակներից մեկն այն է, որ խարխլի ռուս-հայկական եղբայրական հարաբերությունները, ո՞ւմ է սա օգուտ տալիս, որևէ մի հայի դա օգուտ չի տալիս։

Պետք է ևս մեկ անգամ նշենք, այո՛, ռուսը մեզ համար եղբայրական երկիր է, բայց դա նաև չի նշանակում, որ մենք դեմ ենք կամ թշնամի ենք ԱՄՆ-ին կամ Ֆրանսիային»,- ասաց Դավիթ Բաբայանը։

Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print Տպել