![](/static/news/b/2022/02/785567.jpg)
20 տարի առաջ, 1997 թ․-ի օգոստոսի 31-ի արքայադուստր Դիանանա ավտովթարի զոհ դարձավ:
Լեդի Դին իր սիրեցյալի՝ միլիոնատեր Դոդի ալ-Ֆայդեի հետ էր, երբ մեքենան մխրճվեց Ալմա կամրջի մոտ տեղակայված թունելի պատի մեջ: Վարորդ Անրի Փոլն ու ալ-Ֆայդեը մահացան տեղում, իսկ Դիանան՝ հիվանդանոցում, վթարից 2 ժամ անց:
Առաջինը դեպքի վայր ժամանած փրկարար Քսավյե Գուրմելոն էր արքայադստերն առաջին օգնություն ցուցաբերել: Դիանայի մահվան 20-ամյակի կապակցությամբ նա որոշել է բրիտանական «The Sun» թերթին պատմել, թե ինչ է տեսել վթարի վայրում և որոնք են եղել արքայադստեր վերջին խոսքերը:
-Կինը, որը ինչպես հետո իմացա արքայադուստր Դիանան էր, պառկած էր մեքենայի հետնամասում: Նա շարժվեց և ես հասկացա, որ դեռ ողջ է: Նկատելի էր նրա աջ ուսի վնասվածքը: Ես սկզբում կարծեցի, որ ոչ մի լուրջ բան չկա դրանից բացի: Նրա վրա ընդհանրապես արյուն չկար:
Հետո միայն Քսավյեն պետք է բժիշկներից իմանար տուժածի բազմաթիվ վնասվածքների ու ներքին արյունահոսության մասին: Իսկ մինչ այդ, մեքենայի մեջ Դիանայի գիտակցությունը տեղն էր և նա կարողանում էր խոսել:
Նա բացեց աչքերն ու ասաց․
-Աստված իմ, ի՞նչ է պատահել:
Ես բռնել էի նրա ձեռքն ու խնդրում էի չանհանգստանալ ու չշարժվել,- պատմում է Գուրմելոն: Այնուհետև մենք նրան մի փոքր թթվածին տվեցինք: Մինչև մեքենայից դուրս բերելը ես նրա կողքն էի: Հենց այդ պահին էլ Դիանան վատացավ ու կորցրեց գիտակցությունը: Ես տեսա, որ նրա մոտ սրտի կանգ է գրանցվել: Նա դադարել էր շնչել: Ես սրտի մերսում արեցի, ինչից վայրկյաններ անց նա նորից սկսեց շնչել: Ես մեծ թեթևություն զգացի, քանի որ, աշխատելով արտակարգ իրավիճակներում, դու ձգտում ես կյանքեր փրկել: Ինձ թվաց հենց դա էլ ես արել էի:
Քսավյեի խոսքերով՝ ինքը վստահ էր, որ Դիանան կապրի:
-Որքանով տեղյակ եմ՝ շտապ օգնության մեքենայի մեջ Դիանան դեռ ողջ էր: Եվ ես հուսով էի, որ նա կապրի: Հետո միայն իմացա, որ 2 ժամ անց արքայադուստրը մահացել է:
Արքայադուստր Դիանան թաղված է Նորթհեմփթոնշիրում՝ Սփենսերների ընտանեկան գերեզմանատանը, լճի կենտրոնում գտնվող կղզում:
![](https://2.bp.blogspot.com/-B-hXDT1c5Cs/WaiSdg5VD6I/AAAAAAAAFy8/IbQS3B-XXq4r1UjoNXwWVWp31hoyp-eEQCLcBGAs/s640/665%2540433%2540a76a1126b35a667e3d5d03da11e4ff94-YWM0ODYxMmY1Nw.jpg)
![](https://1.bp.blogspot.com/-yR2w-V7tyrA/WaiSdrPcBLI/AAAAAAAAFy4/qkr9VvequAIhHwaPejZhw8pYRee27TvrwCLcBGAs/s640/1257187_profimedia0334120250_ff.jpg)
![](https://2.bp.blogspot.com/-lVwGwDPq7cE/WaiSdm11nzI/AAAAAAAAFy0/of4HvCVlFEgUoyqOakeu_iIGI98EA4CgwCLcBGAs/s640/3711548_800.jpg)
Նյութի աղբյուր՝ https://www.kleo.ru/items/news/2019/05/28/gibel-diany-pokazyvayut-kak-attraktsion.shtml
Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print
Տպել