Aysor.am-ը գրում է․
Գիտական շրջանակում նորություն չէ, որ երեխաների օրգանիզմն ավելի հեշտ է «հարմարվում» նոր հիվանդություններին, քան մեծահասակներինը։ Այդ պատճառով է, որ շատ հիվանդություններ՝ ջրծաղիկը, կարմրուկը, մանուկներն ավելի հեշտ են հաղթահարում, քան մեծահասակները։ Բժիշկներն ու գիտնականները չեն բացառում, որ COVID-19-ի դեպքում էլ կարող է նույնը լինել․ գուցե այդ պատճառով է, որ երեխաները հիվանդությունն ավելի թեթև են տանում կամ ավելի քիչ են վարակվում կորոնավիրուսով։
Համավարակի բռնկման առաջին իսկ ամիսներից պարզ դարձավ, որ նոր վիրուսը, կարծես, «շրջանցում» է երեխաներին, իսկ եթե մանուկները կամ անչափահասները վարակվում են Կովիդով, ապա հիվանդությունն ավելի արագ ու հեշտ են հաղթահարում, քան մեծահասակները։
Կորոնավիրուսի տարածման ընթացքում իրավիճակն արմատապես չփոխվեց, բայց այդ ժամանակահատվածում մասնագետները հասցրին ուսումնասիրություններ անել ու որոշակի եզրահանգումների գալ։
Ըստ մասնագետների՝ պատճառներից մեկը, որ ամբողջ աշխարհում Կովիդով հիվանդացության սրընթաց աճի ֆոնին երեխաների շրջանում վարակվավածության ցուցանիշներն ավելի փոքր են, հիվանդության ասիմպտոմ՝ առանց ախտանիշների ընթացքը կարող է լինել։ Երեխան արտաքինից առողջ է թվում, COVID-19-ին բնորոշ ախտանիշներ չունի, ուստի անհանգստանալու կամ բժշկին դիմելու պատճառ ծնողները չեն տեսնում։ Հետևաբար, վարակվածության հերթական դեպքը չի արձանագրվում։ Բացի այդ, երեխաներն ու պատանիները, որպես կանոն, բավականին ամուր իմունային համակարգ ունեն, որը խոչընդոտում է վիրուսի արագ զարգացմանը։ Այդ պատճառով է, որ նրանք շատ ավելի թեթև են տանում Կովիդը։
Ամբողջական հոդվածը կարող եք կարդալ այստեղ
