Ըստ ժամանակակից հետազոտությունների տվյալների` քաղցկեղի բոլոր դեպքերի մեկ երրորդը կապված է ոչ ռացիոնալ սննդի ու ավելորդ քաշի հետ: Բացի այդ, քաղցկեղի պատճառների մեջ կարևոր դեր է խաղում ծխելն ու ալկոհոլի չարաշահումը: Միաժամանակ առողջ ապրելակերպը ի վիճակի է չեզոքացնել գեների ազդեցությունը, որը նախատրամադրում է չարորակ գոյացությունների: Իր հերթին, շրջակա միջավայրի աղտոտումը և վնասակար սովորույթները կարող են առաջացնել գենետիկական փոփոխություններ, որոնք ժառանգում են ձեր սերունդները:
Գիտնականները հաստատել են, որ ուռուցքային հիվանդություններից մահացության 35%-ը պայմանավորված է ռիսկի մի շարք գործոններով, որոնք ներառում են ճարպակալումը, ֆիզիկական ակտիվության նվազումը, մրգերով ու բանջարեղենով աղքատ սննդակարգը, ալկոհոլը, քաղաքներում կեղտոտ շրջակա միջավայրը, ոչ անվտանգ սեքսը և բժշկական գործիքների կեղտոտ ասեղները:
Որպես մահվան պատճառ վերոնշյալ ռիսկի գործոններից գերակշռում են ծխելն ու ալկոհոլը, որոնք հանդիսանում են տղամարդկանց հիմնական մարդասպանները: Կանայք հաճախ դառնում են պապիլոմայի վիրուսի զոհ, որը փոխանցվում է սեռական ճանապարհով և հանգեցնում քաղցկեղի առաջացման:
P.S.: Տեղեկացնենք, որ ալկոհոլից, ծխելուց կամ նման այլ կախվածություններից ազատվելու համար կարող եք դիմել հոգեբաններին: Այն կարող է էֆֆեկտիվ արդյունք տալ միայն այն դեպքում, երբ ինքներդ եք ցանկանում ազատվել նման կախվածություններից:
