Starnews.am-ը գրում է.
Ինչպես միշտ, Starnews-ն ամփոփում է շաբաթը:
Այս շաբաթ էլ դեռ չեն դադարում քննարկումները Սուրեն Շահվերդյանի և բլոգեր Մագայի աղմկահարույց պատմության վերաբերյալ:
Մինչ օրս համացանցում քննարկվում է Մագայի մասնակցությամբ «Քաղցած սպասում են» հաղորդումը, որից հետո համացանցային օգտատերերը, կարծես թե, բաժանվել են երկու խմբի՝ մարդիկ, ովքեր Մագային համարում են անգրագետ, և հակառակը՝ մարդիկ, ովքեր արդարացնում են Մագային՝ մեղադրելով Սուրեն Շահվերդյանին անդաստիարակության մեջ:
Մագային իր աջակցությունն էր հայտնել բլոգեր Մաշան.
«Մագա, մենք չենք ճանաչում միմյանց, սակայն շնորհավորում եմ քեզ այն ամենի համար, ինչ կատարվում է քո կյանքում: Ինչ-որ մեկը ցանկանում էր նվաստացնել քեզ, սակայն ցույց տվեց, թե քո հետեւորդներն ինչքան շատ են քեզ սիրում: Ինչ-որ մեկի չկայացած լինելու շնորհիվ դու հասկացար՝ ինչքան կայացած ես: Հարգելի հաղորդավարներ եւ հարցազրուցավարներ, միշտ հիշեք, որ ավելի լավ է մարդ չիմանա ոչ մի աղյուսակներ, բայց մարդ լինի, քան իմանա աշխարհի բոլոր աղյուսակներն ու իմանա բոլոր գրողներին, բայց չիմանա, թե ինչ ասել է մարդու տուն հյուր գնալ, եւ այդ տանը հյուրին վայել ու հարիր ձեւով պահել: Եվ ի վերջո, տղամարդ եք, հարգելիս, տղամարդ, չնայած՝ ի՞նչ եմ խոսում»,-նշել էր Մաշան:
Այս շաբաթ մեծ կորստից հետո առաջին անգամ հրապարակում արեց Գայանե Ասլամազյանը: Starnews-ն արդեն տեղեկացրել է, որ օրերս մահացել է նրա եղբայրը:
Ամերիկաբնակ հաղորդավարուհին ֆեյսբուքյան իր էջում լուսանկար է հրապարակել եղբոր հետ ու գրել. «2020-2021, ես ատում եմ քեզ: Իմ կյանքում առանձնահատուկ… Իմ ընկեր… իմ եղբայր.. իմ հարազատ….. Աշխարհս այլևս ամբողջական չի…
Լույսերի մեջ մնաս …. Մի կարևոր լույս մարեց իմ կյանքում….. հերթով մարում եք…..»:
Գայանեի եղբայրը մահացել է կորոնավիրուսից:
Շաբաթն աչքի ընկավ նաև «կիքսերով»: Լրագրող, հաղորդավար Արուս Տիգրանյանն օրերս Ուկրաինայում էր: Նա ամուսնու հետ մեկնել էր հանգստի, մասնակցում էին իրենց սիրելի կատարողների համերգներին:
Ինչպես միշտ, Արուսը հանրությանը ներկայացրել էր Կիևում անցկացրած օրերի բոլոր մանրամասները:
Starnews-ի աչքից չեն վրիպել Արուսի այն սթորիները, որտեղ նա հյուրանոցային համարում է և առանց կրծկալի է: Ուշագրավն այն է, որ առավել ուշադիրները կնկատեին սթորիում մի բան, որը դժվար է ասել՝ Արուսը միտումնավո՞ր է ցույց տվել, թե՞ պարզապես այդպես է ստացվել:
Այս շաբաթը նաև աչքի ընկավ աստղային երեխաներով:
Starnews-ին հայտնի է դարձել, որ Վաչե Ամարյանը պատրաստվում է երրորդ անգամ հայր դառնալուն:
Հավելենք, որ ըստ նախնական լուրերի՝ Վաչեն եւ կինն աղջիկ են ունենալու:
Այս շաբաթ առաջին անգամ իրենց երեխաներին բացահայտեցին նաև Արամեն և Աննա Թովմասյանը: Արամեն դա արեց «Ես ու դու» տեսահոլովակի միջոցով, որում նկարահանվել էին իր ընտանիքի անդամները:
Դերասան Էդգար Իգիթյանն էլ իր 31-ամյակի առիթով հրապարակեց իր որդու լուսանկարը՝ առաջին անգամ ներկայացնելով նրան:
Շաբաթվա ռոմանտիկ քայլն էլ Սոնա Ռուբենյանի սիրելիի կողմից էր:
Սոնան նշանադրվել է: Ուշագրավն այն է, որ նշանադրությունն անակնկալ էր նաեւ Սոնայի համար:
Սոնայի ընտրյալը՝ Էմիլը, ամեն բան նախապես կազմակերպել էր եւ անակնկալ առաջարկություն արել Սոնային:
Սոնան, իհարկե, դրական պատասխան է տվել:
Շաբաթվա ամենասկանդալային պատմությունն էլ, թերևս, վերաբերում էր մոդել Լյուսի Հայրապետյանին և Ալեքսանդր Բաբասյանին:
Starnews-ն օրեր առաջ տեղեկացրել էր, որ սկանդալային մոդել Լյուսի Հայրապետյանը դերասան Ալեքսանդր Բաբասյանի հետ ջերմ լուսանկարներ էր հրապարակել, որից հետո քննարկվում էր, որ նրանք պարզապես ընկերներ չեն:
Ավելի ուշ Լյուսին Starnews-ի հետ զրույցում հերքել էր սիրավեպի լուրերը, սակայն պարզվում է, որ տվյալ թեման բավական խոցել է մոդելին:
Նա անդրադարձել է այդ խոսակցություններին նաև իր ինստագրամյան էջում՝ նշելով հետևյալը.
«Ոչ մի ինտրիգ, ոչ մի հարաբերություն չունենք ոչ անցյալում, ոչ ներկայում Բաբասյանի հետ: Սաշի հետ մենք լավ ընկերներ ենք»:
Լյուսին նշել է նաև, որ ճանաչում է Ալեքսանդր Բաբասյանի նախկին կնոջը՝ դիետոլոգ Լիլիթ Բասյանին և շատ համակրում է նրան:
Ամբողջական հոդվածը կարող եք կարդալ այստեղ:
