1in.am-ը գրում է.
Եգիպտոսում օտարերկրացի լրագրողների հավատագրումն այսուհետ կանցկացվի միայն ազգային հետախուզական ծառայության և ներքին գործերի նախարարության հաստատմամբ: Նոր կանոնների ուժի մեջ մտնելու մասին հաղորդում է Anadolu գործակալությունը՝ վկայակոչելով Եգիպտոսի հրատարակչության և տեղեկատվության գլխավոր տնօրինության հայտարարությունը:
Արտասահմանցի ոչ մի թղթակից հավատարմագիր չի ստանա առանց եգիպտական հետախուզության, ՆԳՆ և ռազմական հետախուզության հաստատման՝ ասվում է հայտարարության տեքստում:
Փաստաթղթում նշվում է, որ օտարերկրացի թղթակիցներն աշխատանքի ժամանակավոր թույլտվություն կստանան իրենց տեխնիկայի և սարքավորումների համար թույլտվություն ստանալուց հետո:
Նախօրեին The Huffington Post-ի լրագրողը հաղորդել է, որ Կահիրեի մամլո կենտրոնը հրաժարվում է երկարաձգել արտասահմանցի լրագրողների մամլո քարտերի գործողության ժամկետը: