Օդեսայում հարսնացուին տիեզերք թռչելու տոմս են նվիրել

Aysor.am-ը գրում է.

Ուկրաինայում ապրող երիտասարդ ամուսինները գնել են տիեզերք թռչելու առաջին տոմսերը: Այս մասին հայտարարել է INSKY ընկերությունը, որը Space Expedition Corporation-ի կողմից կազմակերպվող թռիչքների համար ուղևորներ է գտնում:

«Տիեզերագնացների» անունները չեն հրապարակվում: Ընկերությունը նշում է, որ տոմսը տղամարդու ամուսնական նվերն է հարսնացուին:

Ամուսինները նախապատրաստական շրջան կանցնեն Լոս-Անջելեսում: Տիեզերք կթռչեն Lynx Mark II տիեզերանավով: Այն թռիչք կկատարի Կյուրասաո կղզու կայանից: Տիեզերանավը օդում և անօդ տարածությունում կմնա մոտավորապես 30 րոպե, կբարձրանա ավելի քան 100 կմ:

Առաջին թռիչքը կկայանա 2015 թվականին: Մեկ տոմսն արժե 100 հազար դոլար: