Հաճելի էր տեսնել արդեն լրջորեն փոխված ու ժողովրդավար Գյումրին

Այսօր Գյումիում մի շատ հետաքրքիր բան կատարվեց. Տեղի ունեցավ հասարակական քննարկում, որի ընթացքում քննարկվեցին երեք հարցեր. Հրապարակի Եղևնիների հետագա ճակատագիրը, Գյումրու օրհներգի ընտրություն և քաղաքի կարգախոսի որոշում: Չեք պատկերացնի, թե ինչպիսի քաղաքակիրթ ու հանգիստ քննարկումներ ծավալվեցին, տրամագծորեն տարբեր տեսակետներ ունեցող մարդիկ շատ հանգիստ ներկայացրին իրենց տեսակետները և իրենց շնորհակալությունը հայտնեցին Գյումրու քաղաքապետարանին ու քաղաքապետին նման քնարկումներ կազմակերպելու համար: Միանգամից ասեմ, որ քննարկումների արդյունքներն ամփոփելուց հետո քաղաքապետի հանձնարարությումբ փոխքաղաապետը հայտարարեց, որ եղևնիների հարցը կարելի է փակված համարել և ծառերը կմնան իրենց տեղում: Շատ հաճելի էր տեսնել արդեն լրջորեն փոխված ու ժողովրդավար Գյումրի, որտեղ հասարակությունն է որոշում իր քաղաքի ապագան: ՕՐԻՆԱԿ ՎԵՐՑՐԵՔ...